科特布斯救命波掃雷

猪拉多纳

德乙進入大直路，今晚有場護級生死戰，榜尾科特布斯主場對特雷斯登，科軍兩連敗皆因遇強，情有可原，佢哋早前曾喺主場贏過前列球隊凱沙羅頓同卡爾斯魯厄，今仗小讓同級數嘅特雷斯登平半，上盤值博。
特雷斯登造訪例腳軟

科特布斯近期鬥心唔錯，早前喺另一場護級大戰補時連入兩球，作客擊敗比勒費爾德，今仗對住尾三嘅特雷斯登，形勢上絕對唔輸蝕。特雷斯登季中曾有一段反彈，但之後無以為繼，近12場聯賽未贏過，加上過去四次作客科特布斯，三次落敗而回，前景凶多吉少。

（周六凌晨零時30分開賽）