競駿才子工夫似樣

猪拉多纳

　　莫雷拉停埋今次賽事，下期沙田日馬便刑滿復出，以當下的勢頭，必有足夠支持挑戰潘頓，至於後者剛戰再添兩W，暫以10場頭馬領先莫雷拉。

　　無疑經常強調，誰是冠軍騎師，對我完全無關，問題只是從中可看到騎師們有否戰意鬥下去，以潘頓一路下來的表現，就算上次只摘下兩W，但全日埋單計數八匹坐騎僅尾場匆出的「旅遊名牌」未能打進三甲而已，發揮的積極性反映戰意旺盛。今次來到了雷神復出前一戰，我相信潘頓必定出盡法寶搶成績，能否順利獲勝當要碰運氣，惟揀QT馬膽，非其坐騎莫屬矣！

　　第五場四班1650米，「競駿才子」兜兜轉轉又回到潘頓手上，上賽如非受阻妨礙衝刺，坐二望一，有權將戰局完全改寫；再者近幾仗賽前，在相隔日數相若下，皆以踱步代課便算，但今番情況卻一百八十度轉變，單跳後再拍多一課，工夫突然硬淨起來，一撻即着，博埋W也信得過。

　　第六場三班1800米，「凱倫之寶」上回升班即入Q，無奈遇着慢步速賽事才後追不及，不過從演出上已肯定三班快有頭馬；復課後潘頓即接手，116超兩磅都要跑，誠意爆燈！廖浩賢