撐李斯特城十全十美

猪拉多纳

李斯特城新春好事齊來，邁向十全十美里程碑﹗英冠榜首李斯特城近排喜事連連，球隊聯賽九連勝之餘，領隊皮雅臣更獲選為1月份最佳領隊，而老將菲臘斯上仗嘅入球又成為球隊史上最老入波球員，不過如果「狐狸」今晚喺主場贏埋「大黃蜂」屈福特取得十連勝，就更為十全十美！
「老狐狸」活捉「大黃蜂」

李斯特城近況弗到漏，聯賽連續9場得勝，當中包括5場作客賽事，破咗英冠球隊最佳作客成績，而領隊皮雅臣成為上月最佳領隊當之無愧，上場臨完場幫球隊入波險勝般尼茅夫嘅老將菲臘斯更以40歲又191日之齡打破名宿阿瑟贊特拿嘅紀錄，成為球隊最老入波球員，呢位「老狐狸」更係一名「禁區之狐」，禁區埋門觸覺敏銳，上場就係佢喺禁區搵食成功。近排喜事連連嘅「狐狸」同時亦做返啲好事回饋社會，日前佢哋聯同健康組織舉辦「健康生活日」，宣傳健康生活。李斯特城依家咁弗，又有菲臘斯做後備殺手，更做埋好事咁正氣，近九場作客不勝嘅屈福特難有勝算，科娜一於撐「狐狸」贏波。