英德西3雄聯賽錦標冇走雞

猪拉多纳

又到年尾，回首2012年球壇，大家可能會關注邊位球員表現最犀利、最差強人意等等，Peter想講下三支上季失望球隊：拜仁、巴塞同曼聯，其實三隊演出唔錯，可惜於關鍵時刻卻頭頭碰着黑，拜仁恥辱地得三亞王，巴塞雖有西盃撐住，但於歐聯同聯賽雙線崩潰，依然記憶猶新，曼聯更加於最後1分鐘失落英超桂冠，非常慘情。

積極面對失敗
畢竟佢哋均係首屈一指嘅班霸，有健全組織、傑出領導人及強大班底，令三隊於四個月內極速反彈，Peter唔會講一些明哲保身的說話，無論從積分優勢及整體演出，可以大膽講句拜仁、巴塞、曼聯於國內聯賽冇得輸，甚至能在歐聯捲土重來！

失敗並唔可怕，最重要係之後的態度，因為成功也好，失敗也好，都要向前看，不要留戀於昔日的輝煌而停滯止步，亦不可沉溺於失落的痛苦，自怨自艾，相反要從中吸取教訓化為動力，積極面對，對症下藥自我完善，才會創造更好的明天，而拜仁、巴塞同曼聯於呢方面做得非常好，值得佢哋依家一放絕塵。

金句：三霸演義 化悲傷為動力