崇山寶增程攻大賽

猪拉多纳

姚本輝馬房嘅鎮倉寶「崇山寶」，開鑼嗰日跑二班1000米直路賽搵埋韋達執韁，點知輸咗畀「活力飛駒」兼被打破不敗身。不過抖咗兩個月之後，「崇山寶」今次換咗畀蔡明紹再跑直路賽，終於回復上季最佳新馬本色，輕鬆殺低咗呢個路程有5W1P嘅「熊英雄」，認真犀利，有晒姚廐前短途馬王「蓮華生輝」嘅影子。究竟「崇山寶」可唔可以媲美「蓮華生華」，依家梗係言之尚早，之不過姚本輝賽後都講明唔會畀「崇山寶」集中跑直路賽，事關主要嘅大賽都係跑田草1200米，增程係遲早嘅事，但要等到隻馬進度夠晒先會增程。
       
崇山寶按韁大勝，重現王者本色。

配搭方面，輝哥講笑話蔡明紹返到凱旋門即刻同佢講想繼續騎「崇山寶」，睇嚟呢個識價盃冠軍騎師又多隻好馬喺手喇。