香港發開竅仲有得威

猪拉多纳

呂健威今季手風大順，上周三泥地夜賽先至憑「時時攞彩」贏得從練第400W，到尋日過去快活谷一樣有好表現，由好拍檔馬偉昌隻「香港發」再下一城，兼為呢匹低班馬爭取到連捷，而威哥季內已累積6W，人馬演出同樣令人驚喜。
       

「香港發」上場喺柏寶胯下險勝打開勝利之門，今仗換馬偉昌贏得更易，難怪威哥對前景相當睇好。佢話呢隻馬容易緊張，啱啱嗰場周身大汗仍能順利勝出，尋日已無汗濕，行圈淡定不少，加上有一檔之利，果然轉場照贏，威哥仲話遲熟馬終於開竅，相信升上四班仍有可爭之道。不過暫時會安排集中跑谷中一哩，稍後才考慮增程。