马主论战：电讯至尊继续搏

猪拉多纳

　　电讯至尊继续搏

　　今日三星嘅新手机Galaxy S III将会响酒店举行发布会，由我一位识咗十幾年嘅老友Jack Kwan负责，我亦都会出席今次发布会。先响度祝活动成功，兼祝呢部Galaxy S III响六月大卖特卖！

　　今晚我哋「电讯」系有两驹上阵，第四场「电讯至尊」上场响泥地追得唔错，今次跑番赢马路程一定再搏。

　　至於第二场「电讯超星」响五班有着数，今次转梁定华马房初出希望有惊喜。

　　张敬山

　　转场飞快无敌

　　霍利时刚战凭「智多飞」捧走遮打盃，马房开始转旺，一於吼实呢个仓嘅马。锺意第四场「雅趣」，之前响谷草1800米试过同「金得意」串Q，路程性能唔曳，今次回师此程随时可以打开胜门。

　　另外，第五场霍廐出一对，比较锺意「飞快无敌」，上场增程跑2200米，即刻顺利打开胜利之门，證明跑大长途赛事好掂，今次转嚟快活谷上阵，一样冇问题，有权添食。

　　任达华

　　金德胜1定掂

　　杨明纶刚啱凭「真奇宝」爆冷赢马，近期吼实佢啲坐骑应该冇错。推介第三场「金德胜」，前仗爆大冷赢马之後，上场再出亦保持水準，今次再跑1200米排一档起步，坐位望赢。

　　另外第四场「明旺」，以往五战谷草一哩获冠亚季各一，场地性能相当出色，今次排内档转战1800米，形势比上仗有利，话唔定可赢番一仗。

　　寇鸿萍、梁廷锵