歐洲盃：兩蛋贏格仔軍霸氣盡現

猪拉多纳

咪睇我哋打出完美嘅10場不敗出線，就以為我哋喺今屆外圍賽順風順水，查實我哋頭兩場分組賽都係和波，當時我都有啲驚，好彩後尾班波愈踢愈好，個個球員都生性，依家我對決賽周有好大期望㗎！

首場分組賽主場和格魯吉亞，就連我自己都跌眼鏡，之後賽和克羅地亞都算非戰之罪。經過兩場失利，我哋希臘之後打出5連勝佳績，講到出線關鍵戰，當然係尾二嗰場波，喺主場贏「格仔軍」克羅地亞兩蛋啦！到最尾一輪賽事，我哋喺完場前11分鐘內，連入2粒反勝格魯吉亞，順利以首名直接出線，咪當我哋流呀！
費蘭度山度士

擁電子通訊工程學位，綽號「工程師」，曾執教波圖等豪門，2010年獲希臘足球聯賽協會選為「時代最佳教練」，同年接手希臘國家隊。