歐國盃：睇實開路先鋒尼斯特

猪拉多纳

捷克國家隊出名多長人中鋒，以往嘅真高拿同盧雲歷都係空中霸王，雖然尼斯特得1米90，而且今季養傷多過踢波，但我依然希望佢嘅身高優勢，能夠為巴路士作出掩護幫佢數胡，呢個係我哋嘅入波方程式。

尼斯特代表過捷克各級別青年軍出戰，現時効力莫斯科中央陸軍，咪睇佢出道以來入球數字麻麻，實情佢嘅作用絕對唔止入波，因為捷克通常靠中場食胡，有佢開路，路斯基、柏拉斯同雷斯克大把世界。