歐國盃：民族 x 簡約重新出發

猪拉多纳

喺球衣贊助商Puma嘅精心炮製下，捷克國家隊嘅球員，得以披起歷來最具捷克民族元素嘅戰衣，出戰今屆歐洲國家盃。捷克足總前排公布咗新嘅隊徽，舊隊徽中富歷史意義嘅紅白格鷹同黑鷹被刪走，淨係留番代表波希米亞嘅雙尾獅同埋盾牌，令到個隊徽比過去簡單得多！

至於主場嗰件波衫，用咗棗紅色做主色，領口同兩邊就用咗啲白色嚟裝飾，心口位有好大面積嘅藍色格仔紋，整體設計同過去嘅好唔同，配合埋個新隊徽，畀球迷一種國家隊重新出發、爭取佳績嘅感覺；至於作客一款則係白色。同時，聽講話今次捷克嘅戰衣具備Puma最新嘅排水技術，幾時着都咁輕身喎！

鳴謝：Kitroom Sports