隔晚飞劲开心欢笑

猪拉多纳

　　今日跑十一场赛事，有四匹马飞数爆热，佢哋分别係「崇山宝」、「善寳」、「无敌骏驹」同「天外之天」，前两匹隔晚2倍都冇，睇个势好似赢硬咁，唔知係咪真係咁荀？

　　怪飞马方面，拣咗一匹老黄忠，佢就係第八场嘅「开心欢笑」，今季跑咗八仗，最叻就係季内初出嗰次，喺二班田草1200米撲个第二返嚟，自此之後都冇咩佳作，所以赔率都成番正比，跌到冷一冷，去到上仗，已经讲紧37倍。难得七岁老马，今次竟然够胆隔晚得9倍，喺「善寳」疯狂热卖情况下都照落飞，唔会係无厘头啩。讲到评分，其实佢已经减到得番67分，同季初跑入前四名嗰时差咗19分，按道理，冇理由三班唔够砌，信多佢一次啦。

　　捧韦达做骑师王

　　骑师王方面，韦达赔率最抢镜，得1.8倍，其次嘅柏宝都讲紧7倍啦，当然捧达少最好。

周仲