马主论战：一团威喜遇弱旅

猪拉多纳

　　一团威喜遇弱旅

　　近排运气唔错，对上一次沙田赛事更中咗两蚊三T，希望今次啲贴士都可以帮到读者。

　　推介第五场「一团威」，前仗输个头畀「明兴宝宝」跑第三，證明响三班恶气十足，今次转争条件赛，对手大幅减弱，要赢唔难。

　　另一心水係尾场「摩法神采」，上季赢得「人人兴旺」，依家肯定有分响手。上仗呢隻马跑泥地一哩入Q，反映状态好弗，今次转攻谷草赛事，话唔定可食尾胡。

　　张敬山

　　珠光宝气捧得过

　　吴嘉晋升格为七磅仔之後，刚战即凭「欢乐宝宝」赢马，今晚一於再捧佢啲坐骑。推介第四场「钱程万里」，近两场跑谷草一哩全部上名，现评分有多少着数，今次用吴嘉晋减磅，係时候赢番一仗。

　　另外锺意第七场「珠光宝气」，上场小休复出，末段仍一枝箭咁衝上嚟，表现够晒抢镜；热过身之後，照计今场表现应有好冇坏，值得捧场。

　　任达华

　　超群名驹施回马枪

　　柏宝刚啱中三元兼封王，搏杀手风转顺，今晚一於再吼佢啲马。推介头场「千笑」，虽然季内五战全部三甲不入，但近两仗都跑获殿军，反映状态已经返咗嚟，强配柏宝必打硬仗。

　　另外锺意第六场「超群名驹」，前仗跑1600米轻鬆赢马，後劲唔简单。回气一仗後，今次继续跑谷草一哩，如叠埋心水衝一段，有权施回马枪。

　　寇鸿萍、梁廷锵