马主论战：电讯至尊开胜门

猪拉多纳

　　电讯至尊开胜门

　　今晚我哋隻「电讯至尊」又上阵，呢隻马近两场都输少少返嚟，未能开斋有多少唔抵。无疑今次跑四班赛对手强咗，但负磅亦都大为减轻，交畀郑雨滇操刀，希望可以拉番一场头马喇！

　　另外锺意头场「盈骥」，今季七战只获一亚一季，成绩唔算理想，今次搵嚟韦达操刀，人马上季合作过一次即跑第三，睇嚟幾合拍，唔使讲肯定会搏尽。排二档起步可一早抢出领放，应可赢番一仗。

　　张敬山

　　蔡约翰係劲高手

　　蔡约翰刚啱凭「无惧风雨」、「多利皇」同「山顶」中三元，攻势强劲，我睇呢个仓今晚仍有马赢。第七场蔡廐出两驹，我比较锺意「劲高手」，上场跑第二已有复甦迹象，跑法主动嘅马响马少场合会有着数，吼得过。

　　另外推介第五场「尊胜福星」，上场赢到对手冇得跑，摆明质素超级，今次吼準凤凰盃上阵，改配韦达威力有增冇减，如无意外应该可捧盃而回。

　　任达华

　　风之子食尾胡

　　蔡明绍刚战起孖兼捧盃，手风真係好顺，一於再捧佢啲坐骑。推介第四场「胜利多」，今季初出即响谷草上名，今次唞近半年再上阵，随时可杀个措手不及。

　　另一匹要留意嘅马係尾场「风之子」，前仗跑谷草1000米只係输短头位畀「高风格」，居现评分随时赢得，上场跑沙田输咗唔使介怀，回师谷草会有唔同演出。

　　寇鸿萍、梁廷锵