「粉丝」锺爱先鞭直前

猪拉多纳

　　每逢跑亲大盃赛，实力马都排队列阵，今次香港经典盃赛日亦唔例外，如果讲恶，大摩同蔡约翰马房真係当之无愧，事关隔晚有七场大热门关佢哋事，攞嚟做胆最稳阵。

　　今期怪飞马唔算多，但第九场「先鞭直前」依然好吸引，唔知係咪两场头马都赢得精采，难度又够高嘅关係，即使佢上仗输九个半马位，今次要面对初跑田草1200米、排十一档、初次升二班咁多问题，隔晚仍有飞落，虽然只係得11倍，但係同场嗰匹已经叁连捷嘅「梦幻十一」独赢都一度有7倍，啱啱喺一班赢完马嘅「皇帝法令」又曾冷过「先鞭直前」，後驹睇嚟真係有人锺爱，既然係咁，周某都加入「粉丝」团先。

　　劳爱德骑师王抵博

　　骑师王方面，韦达手上恶马多，但今次有两位大将可以鬥吓，分别係7倍岳礼华同8倍劳爱德，後者难得成热，抵博。

周仲