華斯高夠專業恰死「國民」

猪拉多纳

08/02/2012
文： 安高

巴西勁旅華斯高聽朝會喺自由盃E組主場迎戰烏拉圭嘅蒙特維多國民隊，華斯高雖陷財困，但係班球員冇糧出都照取4連勝，夠晒Pro，今鋪對住殘陣國民隊有力大捷，捧2.17倍「讓球主勝」！（廣東體育周四早上8:00直播）


據聞華斯高班人連12月嘅人工都未收到，不過有消息指，會方會喺今周內解決問題，更重要係華斯高班球員夠晒專業，冇糧出對上4輪州聯賽照樣贏波，氣勢好當然值得再追。咪忘記佢哋件正選門神費蘭度拜頓巴達腳傷痊愈，又有祖連奴比南布肯奴孭飛，攻守同樣信得過。


對家國民隊首席球星列高巴有傷，要通過體檢先知踢唔踢得，最慘係烏拉圭聯賽喺今月中先展開，球員狀態輸蝕，作客自然難逃一敗。