觀戰60年3D初體驗

猪拉多纳

22/01/2012
文： 黃興桂

二十世紀大家可以透過電視睇波，科技日新月異，踏入廿一世紀，大家仲可以欣賞3D立體足球直播！當年南華會及香港會等用竹棚球場，去到依家於現代化大球場睇波，巴西球王比利雄霸一時，阿根廷新球王美斯今日傲視球壇，唔經唔覺，筆者睇波睇咗六十載。


廿一世紀宅男


Peter由上世紀開始睇波、教波同講波，今年仲有幸參與處女3D足球賽事，今晚曼城對熱刺、阿仙奴對曼聯，有線204台都有3D直播，如果大家屋企有3D電視，同時係有線「高清英超最強組合」用戶就可免費睇波。如此精彩節目，用金句有今生冇來世或Let's go rock and roll形容都唔夠，Peter決定買番部立體電視，安坐家中做個廿一世紀宅男。




未有3D電視嘅球迷都一樣有好波睇，今晚曼城主場對熱刺，熱刺有機會躋身前四，今次決戰曼城實會打得燦爛。跟住輪到阿仙奴大戰曼聯，兩隊球星如雲，激戰可期！咁嘅戲碼，加埋現代化嘅享受，大家可於大除夕一邊睇波，一邊倒數，無論有冇高清或3D直播，一樣咁正，只要有足球陪住，幾時都係賞心樂事！




Peter喺度先同廣大讀者拜個早年，祝大家龍年萬事如意、龍馬精神、波運亨通，恭喜恭喜！




金句：立體足球創先河，龍年前夕處女播！