波盤冇焗賭要識收！

猪拉多纳

21/01/2012


喜歡打麻雀、鋤大弟或者鬥地主嘅朋友，總會有以下經驗：啲牌衰到唔恨，鋪鋪追殺，一定要輸錢，無論到牌甚至攞咗贏家嗰份牌都繼續輸，但礙於唔玩就會「三缺一」或者「二缺一」，令到牌局玩完，焗住要玩落去。




不過，有句俗語話「有強姦，冇焗賭」，好多人話驚影響朋友之間嘅感情，但其實都係自己仍然覺得有機會贏番，所以唔肯離場。呢個心態在股票市場亦經常發生，絕大部分投資者持有蝕本嘅股票，時間比賺錢嘅股票長，因為經常期望會反彈，總抱住個心態「我一日未離場，一日都未計數，一日都未輸」。


雄心獅吼「大」吉「大」利


不過，波盤市場情況不同，打麻雀講明打八圈，但賭波一場玩完可以唔玩，如要將賭波演化成運動博弈，最重要係調整心態，博弈係以穩定及略為保守嘅方式圖利，但賭就係見好唔收、運氣差唔收、打死都要玩，尤其喺周末同周日嘅情況，唔少人喜歡將賭波分為「下晝」、「夜晚」同「深宵」三個時段，並以「深宵」時段為追數時段，但大家不妨做吓投X紀錄，「深宵」時段嘅投X係咪真係令到自己可以翻身？抑或係愈輸愈多呢？




今日推介一場早波畀大家，澳職墨爾本雄心對布里斯班獅吼揀大，希望大家早啲贏錢，見好就收，留番夜晚時間同家人準備過年，行吓花市買吓衫。