昆士柏保頓「-1」打孖上

猪拉多纳

17/01/2012
文： 樂比堅尼

英格蘭足總盃第三圈重賽，兩支英超榜末球隊保頓同埋昆士柏流浪分途出擊，主場迎戰英乙馬爾斯菲同埋英甲米爾頓凱恩斯，兩支英超球隊近況低迷，極需一場勝仗重振聲威，為未來聯賽護級振奮士氣，樂比仔一於捧晒兩隊「讓球主勝」。


昆士柏擁新帥效應


先講昆士柏流浪主場對米爾頓凱恩斯（now 670周三凌晨4時直播），呢場係倫敦打吡戰，上次兩隊打成一比一，不過今場重賽形勢好唔同，因為領隊曉士啱啱接手昆士柏冇耐，作為新帥佢梗希望贏番鋪，為自己建立威信，並提升球員嘅信心，如果對甲組仔都贏唔到，仲點護級呀！




曉士首次領軍係周日，可惜球隊以○比一不敵紐卡素，不過紐卡素今季表現好，而且有主場之利，昆士柏流浪輸波都值得原諒，但今次如果連甲組嘅米爾頓凱恩斯都贏唔到，就肯定會打擊球員嘅信心喇，睇怕米爾頓凱恩斯今場都會成為QPR嘅點心。


保頓受壓不容有失


另一場保頓主場對馬爾斯菲（周三凌晨4時開賽），保頓唔搏唔得，因為領隊奧雲高尼已承受極大壓力，佢同球隊最需要都係一場勝仗，其實保頓上次作客馬爾斯菲，都排出相當強嘅陣容，可惜馬爾斯菲該仗踢出超水準，最終兩隊打成二比二，今次作客保頓，相信馬爾斯菲爆冷嘅機會唔大，一於捧晒保頓及QPR兩隊「讓球主勝」！