|
|
08/01/2012
文： 黃興桂
曼徹斯特市兩大名牌曼聯同曼城今晚喺足總盃碰頭，兩隊上半季嘅遭遇非常相似，既係英超領先嘅前兩名，亦同樣喺歐聯出局齊齊轉戰歐霸，雖同病但不相憐，佢哋對足總盃重視程度亦大過歐霸盃，今場兩隊會當決賽咁打！
歐聯出局領隊有責
先講曼聯，「紅魔鬼」今季有好多新人冒起，朝氣勃勃，不過用新人亦有副作用，就係球員仲未識踢逆境波，加上陣中幾位主力輪流受傷，球隊戰績難免出現波動。佢哋上半季最大損失係歐聯出局，主要原因係領隊費格遜衰輕敵，搞到要轉戰歐霸，唔上唔落。
曼城今季人強馬壯，但係主帥功力未夠，領隊文仙尼並非世界十大統帥，歐聯兩場對拿玻里係佢最大敗筆，身為意大利人嘅文仙尼對來自意甲嘅拿玻里，主客兩場竟錄得一和一負，歐聯出局只好歸咎經驗不足。
彼此怕輸和局味濃
聯賽仍有漫漫長路，足總盃成為兩隊必爭之地，今場喺怕輸心態下雙方都會小心應戰，穩紮穩打，預期入球數字偏低，亦大有可能和波重賽。
金句：同病不相憐 決戰FA CUP
|
|
金睛卡
发表于 2012-1-8 07:22
变色卡
显身卡