費Sir警告朗尼專心操練

猪拉多纳

04/01/2012


老費警告朗尼要專心操練！曼聯近日爆發「夜蒲門」，主角朗尼、莊尼伊雲斯同吉遜畀主帥費格遜狂插，球會最後決定罰款了事，費Sir仍特別點名叫朗尼專心操練，睇嚟仲未下火喎！




朗尼、莊尼伊雲斯同吉遜於拆禮物日違規夜遊，激到老費紮紮跳，夜蒲三子除夕對布力般流浪被棄用，之後再被罰款。費爵爺仲忟忟哋，受訪時特別針對朗尼：「朗尼今場梗係踢得啦，佢近期缺席幾課操練，踢英超要長期保持狀態，絕對唔可以成日缺操！」


控球在腳「致命傷」


紅魔面對嚴重傷兵問題，費Sir積極研究原因，得出初步結論：「我哋成日控球在腳，所以經常被踢。」老費話老將傑斯今仗有望復出，中場路爾斯安達臣亦已傷愈，有機會回歸正選陣容，希望可以頂住先。