賓菲加歇冬後好「細」頭

猪拉多纳

03/01/2012
文： 走肖

葡聯盃第3圈分組賽今晚繼續打，甘馬雷斯喺B組主場對賓菲加，捧1.78倍入球細實際啲。做得球員，放假自己想抖番吓，狀態自然冇咁好，正如賓菲加對上4季歇冬後首戰全部開入球細，反映球員放假後難撻着，加上前鋒洛迪高摩連奴同奧斯華度加坦轉會在即，為免受傷點敢搏盡入波呀？（開賽時間：周三凌晨4:45）

甘馬雷斯防線夠穩

過去4季，賓菲加喺新年後首戰例牌開入球細，最叻係上屆葡聯盃主場以2:0砌低馬里迪莫，其餘3場對國民隊、泰羅芬斯同塞圖巴爾，夾埋只得2個入球，證明賓菲加球員放假後需要時間操番弗，旨望呢場波開入球騷，好有可能會失望而回，更何況葡聯盃第3圈以分組賽形式進行，使乜咁快出真功夫！


仲有呀，有消息話皇馬對洛迪高摩連奴好有興趣，奧斯華度加坦就被曼聯睇中，正常情況佢兩個都會避重就輕啦，如果唔係呢個時候整傷自己，邊個可憐？甘馬雷斯冇咩叻，比較可取係防線算硬淨，近9場未試過單場失多過1球，假如賓菲加真係撻唔着或者就住踢，就更加有利開入球細。

葡聯盃賽制：

今輪為第3圈，16支球隊分成4組，踢單循環分組賽，每組首名躋身4強淘汰賽。