亨利着12號戰衣返「廠」

猪拉多纳

31/12/2011


亨利回歸阿仙奴穿12號球衣再戰英超！據英國傳媒報道，亨利已經答應以借用形式重返兵工廠，最快可在下月上旬主場對列斯聯的足總盃第三圈賽事登場。




剛剛由墨西哥度假完畢嘅亨利已經口頭答應咗雲格，只要冬季轉會市場周日重開，借用一事便可落實。




亨利今次重返倫敦將獲得一份七萬鎊周薪嘅兩個月借用合約，由於佢以前着嘅14號現為禾確特擁有，亨利將會改穿佢喺法國國家隊嘅12號波衫。


查馬克或被叮走


雖然亨利喺美職收咧後一直在阿仙奴跟操，但狀態及體能仲未可以應付九十分鐘賽事，所以球會已經為佢準備咗一套特訓練習，希望可以趕及足總盃對列斯聯上陣。




由於亨利落實回歸，球會亦有意羅致德國前鋒普多斯基，將於一月離隊參加非洲國家盃嘅摩洛哥前鋒查馬克好大機會要另覓新東家。