爵爺電聯堅恩有偈傾

猪拉多纳

31/12/2011


費格遜原來同布力般領隊堅恩幾老友，早前布力般不敵保頓，老費就專登致電鼓勵堅恩；後者見前輩咁睇得起自己，亦賣口乖公開話老費買菲爾鍾斯明智。堅恩話早知鍾斯非池中物，遲早會成曼聯隊長，更會戴上英格蘭國家隊臂章！


史摩寧患怪病長抖


唔少英超領隊都係老費門生，堅恩縱然本季被插到暈，但費格遜仍然「愛才」，堅恩話收到老費電話好欣慰：「輸畀保頓後我接到費格遜一大段電話留言，之後我打番畀佢，大家傾咗好耐，我好多謝佢雪中送炭。」對於菲爾鍾斯今晚首次倒戈，堅恩大讚佢係不可多得嘅人才，依家十九歲已打出咁高水準，未來可成球會及「三獅兵團」領袖。




另外，曼聯後防基斯史摩寧疑似患上傳染性單核細胞增多症，此病又稱腺熱，症狀同感冒好類似，但就較難好番，佢或者要長抖三個月先能復出。