尹佩斯親子打機吞5蛋

猪拉多纳

27/12/2011


英超近期一大話題，就係阿仙奴前鋒尹佩斯能否刷新英超年度最高入球紀錄，呢位荷蘭國腳2011年三十四場聯賽入三十四球，如果計埋盃賽及國家隊賽事，更係五十二仗入四十七球，創職業生涯高峰，佢之所以大爆發，秘訣在於保持健康同有冒險精神。




金球源自勇氣




尹佩斯以往經常受傷，今年保持身體健康並盡展潛能，佢接受球會官方網站訪問時話：「今年我冇缺席過一場聯賽，大部分更踢足九十分鐘，持續比賽令我覺得身體狀態愈來愈好，繼而就會大膽嘗試做多啲高難度動作同射門，前鋒必須有勇氣冒險，先可以換來更多入球機會。」難怪尹佩斯今年不乏高難度金球。尹佩斯現時銳不可當，唯一可以擊敗佢嘅人可能只有佢五歲嘅囝囝，尹佩斯自爆平安夜同囝囝玩電子遊戲FIFA12，結果慘吞五蛋。




另外，熱刺克羅地亞中場莫迪歷拒絕熱刺10萬鎊（約120萬港元）周薪合約，熱刺為免人財兩失，已決定將莫迪歷出售，最有可能買家係曼聯。