史達洛辛堡後防穿大窿

猪拉多纳

19/05/2011
文： 翁文成

挪超今晚激戰連場，其中衞冕冠軍嘅洛辛堡會造訪史達，齋睇牌面當然係洛辛堡高啲，不過呢支挪超班霸正值交接期，阿成預計佢哋需要一段時間先可以重返正軌，橫掂兩班波火力都唔曳，寧玩1.52倍入球大仲實際。（開賽時間：周五凌晨2:00）




洛辛堡今季有射手艾法臣同教練艾根兩大靈魂人物離隊，挪超開咧7戰只係贏過2場咁大把，創下球會近半個世紀以嚟最差開局，證明新帥真莊臣仲未執掂隊波。查實洛辛堡今季最大問題係防守，中場悍將安蘭嘅離隊影響甚大，加上新加盟嘅後衞凱蘭特有傷在身，防守明顯係最弱一環。


雙方鋒線腳風順


主隊史達聯賽3連敗，近況唔好得洛辛堡幾多，一對守將貝加馬特臣同米利斯域續抖，防線穿晒大窿，係佢哋近3場勁失7球嘅主因。史達唯一抵讚嘅，係老將艾斯特今季Keep住腳風勁順，撞啱洛辛堡中鋒派加近7場喪入6球，今戰睇嚟大把波入。