些路迪士哥拿停賽大唔起

猪拉多纳

15/05/2011


些路迪想喺蘇超後上封王？今晚除要望死敵流浪失分，最重要當然做好本分喺主場擊敗馬瑟韋爾，不過些路迪領隊連儂排成蘇格蘭球迷公敵，加上「士哥拿」甘文斯停賽，咁嘅情況足智彩仲調高今場大細中位數到3.5球，朱楓寧捧1.68倍入球細！


馬瑟韋爾近3場入得一粒


目前些路迪落後流浪1分，今場基本上要贏波先有望後上封王。以些路迪今季聯賽主場只曾1敗戰績，3分落袋應該冇走雞，問題係領隊連儂近排成蘇格蘭球迷公敵，繼早前收郵包炸彈後，上場作客赫斯仲被對方球迷掟嘢襲擊，今晚喺場邊話唔定會被影響臨場調兵遣將嘅判斷力，再加上近12場聯賽勁入11球嘅中場甘文斯今場要坐波監，面對已鎖定聯賽第6、近3場只入得1球嘅馬瑟韋爾，旨意些路迪入晒4球開大？似乎有啲不切實際喎！




SUN 日（12）‧些路迪 Vs 馬瑟韋爾