蘇超終極戰流浪搶「W」登基

猪拉多纳

15/05/2011


除咗荷甲，今晚蘇超亦會煞科，榜首嘅格拉斯哥流浪將作客基爾馬諾克，只要贏波就可捧盃，預計喺煞科戰有殺手拉菲迪掛帥，3分應該冇甩拖，「讓球客勝」有1.72倍值捧！（now638台周日晚7:30直播）


基爾馬諾克7場不勝


流浪目前喺蘇超以1分領先些路迪，今場只要贏波就可以三連霸，朱楓認為問題唔大，事關一對射手謝拉域同拉菲迪近況大勇，已經連續3場入波，當中拉菲迪上兩季煞科戰都有波入，賽前佢更表明希望今場波大演帽子戲法，而且領隊禾達史密夫今晚係最後一次帶領流浪比賽，相信一班球員都想捧盃送別呢位老帥。




對家基爾馬諾克上仗打和馬瑟韋爾後經已鎖定第5位，賽後看守領隊舒爾斯竟然話隊波係除些路迪同流浪外，蘇超第三勁球隊，但實情係基爾馬諾克已經7場不勝，對上一次主場贏流浪更已經係94年5月，今晚唔使大敗都偷笑啦！




SUN 日（14）‧基爾馬諾克 Vs 格拉斯哥流浪