杜帥簽長約紅軍明天會更好

猪拉多纳

15/05/2011
文： 黃興桂

足總昨日舉行蔣世豪紀念賽，Peter同幾位本港球壇領導人士傾過，都認為自從銀禧解散之後十幾年，再冇出現「豪豬」呢類咁好技術嘅球員，Peter認識嘅豪豬係一位和藹可親嘅人，球技人品兼備，對佢嘅離去實在非常痛心。Peter好希望鳳凰計劃同一班球壇有心之士，能夠同心合力推動本港足運，令青訓起碼恢復至銀禧時期嘅水平。




講番今晚英超波，利物浦主場對熱刺，紅軍自杜格利殊季中接手執教之後，由中下游打番上嚟爭前五位，證明杜帥正係利物浦所需要嘅人，球會同佢簽咗三年長約，係走向成功嘅第一步，絕對係明天會更好。


熱刺走勢每況愈下


反觀，熱刺嚟到季尾有啲無以為繼，近期更加有愈踢愈沉之勢，加上又有受傷兵問題困擾，淨係一個加里夫巴利缺陣，影響都夠晒大，因此Peter睇好紅軍可以擊敗熱刺，參加下屆歐霸盃。




護級大戰，韋根主場對韋斯咸，韋斯咸冇得揀，一定要贏，先至有望留喺英超，據悉中場柏加都要帶傷上陣搏殺，豁出去一戰，有利製造入球，捧入球大。


金句


紅軍氣勢蓋熱刺，全取三分賀杜帥。