愛華頓鬥心夠唔怕追

港陌

14/05/2011
文： 自由恒

過往幾季嘅最尾兩周比賽，唔少球隊都會披上下一季嘅戰衣落場賣廣告，不過可能係生意難做，依家唔單止可以埋嚟睇，更有得埋嚟揀，來季車路士、利物浦同埋愛華頓嘅波衫已經喺香港有得賣。




近期本欄都多次推介愛華頓，連自己都有啲厭，不過悶悶哋贏，點都好過過晒癮輸，今晚決定再推多一次，希望贏番件新波衫。早前多次講過，「拖肥糖」雖然已經無欲無求，但仍然係全英超最有鬥心嘅一隊，上場對住要力爭前4嘅曼城，仍可以反勝對手，戰意相當旺盛，話晒近10場聯賽先至輸過1場畀曼聯，今晚作客西布朗，平手盤確實係唔怕再追。


西布朗走樣有前冇後


反觀主隊西布朗上咗岸之後，雖然射手奧丹維治已經連續5場有波入，但成隊波嘅演出好明顯係鬆懈咗，近4戰先至贏得1仗，上場更喺打吡戰輸畀狼隊。事實上，西布朗成季先至得1場保住清白之身，今仗對住防線都算硬淨嘅愛華頓，Keep住近期有前冇後嘅打法肯定蝕底。（有線204及304周六晚7:45直播）


Battle精選


足球重心：愛華頓（平手）




睇飛搵食：布拉加（主勝）




聯賽去到尾聲，足智彩就收起6場意甲，葡超、荷甲及德乙嘅賠率，都同歐平有好大出入，就好似布拉加主場對士砵亭，主隊雖則要應付下周中歐霸盃決賽，但主W都只得2.3倍，遠比歐平嘅2.46倍低，睇嚟佢哋未必會喺聯賽煞科戰放軟手腳。