比歷基利派牌夠狠辣

港陌

29/06/2010

今場球證係比利時籍嘅比歷基利，佢已經有二十六年執法經驗，曾經主吹上屆世界盃四場賽事，包括日本對克羅地亞，當時判罰日本一球十二碼，但克羅地亞球員射失，雙方最後打和○比○。比歷基利今仗再次執法日本隊賽事，各位「東洋武士」真係要打醒十二分精神。另外，比歷基利今屆主吹過C組美國對阿爾及利亞，期間將阿爾及利亞隊長安達耶希亞趕出場，無論判十二碼或畀紅牌都咁狠辣。