維迪專吼大賽發威

港陌

28/06/2010

斯洛伐克能夠打入十六強，都係全靠射手維迪鹹魚翻生，呢位廿八歲前鋒上場對意大利梅開二度，一腳踢衞冕冠軍出局，認真唔嘢小！其實維迪向來都係一名大賽球員，面對強隊往往例有佳作。

創連環帽子戲法紀錄

維迪喺○三年衝出斯洛伐克，加盟德甲球會紐倫堡，最令人記憶猶新就係佢面對班霸拜仁慕尼黑，經常都可以取得入球，稱得上為「拜仁殺手」。到○八年轉投法甲里爾，該賽季亦曾在里昂身上取得「士哥」，足證對豪門強隊特別有計。


此外，維迪亦在德甲保持了一個非常驕人嘅成績，佢喺○五至○六年球季曾經連續兩場賽事大演帽子戲法，屬德甲史上第一人，雖然現時已登陸土耳其超級聯賽安卡華高古，不過唔少德甲球迷都仲好懷念佢。維迪在今屆世盃已累積三個入球，若然能夠助斯洛伐克繼續晉級，隨時攞埋金靴獎都唔出奇。