卡爾馬回勇「客勝」執到堡

港陌

27/06/2010
文： 亨格比利

世界盃16強踢到如火如荼，瑞典盃16強亦都喺今晚開打，近況回勇嘅卡爾馬穩打穩紮，造訪冇牙老虎哥登堡可以秤先，嫌1.65倍「讓球客勝」冇肉食嘅話，不妨博分頭十足嘅3.15倍客W。（開賽時間：周一凌晨0:00）


卡爾馬經過季初一輪低潮後反彈，連同聯賽同瑞典盃在內，最近9場有8戰不敗，更試過擊敗咸史達斯同希爾星堡等前列分子。最緊要係好波之人丹尼爾文迪斯啱啱續約，其他主將亦都冇病冇痛，有望延續強勢。


美職費城聯海灣者鬥入波


對家哥登堡係上屆瑞盃亞軍，不過近5戰竟有4場交白卷，希臣同蘇達一對箭頭齊陷入球荒，想有好成績都幾難。據講雙教練之一嘅列恩已經聞到魷魚香，佢老人家亦都話喺聯賽力爭上游先係首要任務，唔排除今仗會副選出擊，對住回勇嘅卡爾馬輸埋都唔出奇。


除咗瑞典盃之外，清晨仲有美職玩，由費城聯主場鬥西雅圖海灣者。開咧至今只係贏過兩場嘅費城聯，今季10場聯賽都有失波，防線有求必應。作客嘅海灣者近況同樣低沉，今季5場作客亦只得1次保住清白之身，睇嚟1.95倍入球大走唔甩。（開賽時間：周一清晨5:00）

瑞盃賽制

今輪為16強，賽事以一場過分勝負，若法定時間打和就要加時，再和就以互射12碼定生死。