諸葛神算力撐阿根廷

港陌

27/06/2010

「諸葛神算」返嚟嘞！要數近日估波最準嘅「女神」，實非諸葛梓岐莫屬！因為Marie 已先後估中巴拉圭打和新西蘭、同埋西班牙兩場贏波……完全擺脫晒初期曾經「六連敗」嘅惡運，而且仲愈來愈上力、愈估愈有添！今日佢就揀阿根廷可以贏到墨西哥，唔知會唔會繼續中呢？

諸葛梓岐 阿根廷 勝

如果你呢一刻問我，究竟英格蘭定係德國會贏，我真係估唔到！不過揀阿根廷能夠贏墨西哥會唔會穩陣啲呀？

周秀娜 英格蘭勝

每逢係英格蘭嘅賽事，無論佢嘅狀態係好定壞，我都會支持佢，咁先算係一個Die Hard嘅英格蘭fans！

Kama 德國 勝

大家見我呢一身打扮，唔使講都知係撐德國隊啦！再加上對手英格蘭嘅狀態時好時壞，都係德國好啲！

趙碩之 阿根廷 勝

阿根廷一定贏墨西哥，只係爭在贏幾多球啫！不過，墨西哥之前都打得唔差，斷估唔會有七比○咁大比數啩？

遊戲玩法

四位索女於每日賽事中選取一場賽事競猜，估中贏波球隊可得10分；估中賽事和波則有30分；估唔中唔扣分。

由分組賽第一場開始累積分數，直至決賽日後累積最高分數者，成為「Jungle女王」，yeah！