銀河讓雙炮都勁過多倫多

港陌

26/06/2010
文： 重炮手

當路雲臨完場絕殺救番美國，意味住呢位福星同埋佢嘅球會隊友艾臣布度要繼續留喺南非，洛杉磯銀河就少咗呢兩座炮台，聽朝作客FC多倫多本來好蝕底，但勝在近年對賽往績佔優，平手盤仍然值得支持。（now633台周日早上7:30直播）


多倫多後防主力停賽


雖然銀河前線冇咗兩張王牌，不過由基奴夫斯基夥拍保雲嘅全新進攻組合，依然有一定進攻能力，影響並非太大，再配合銀河近13場聯賽只失4球嘅防線，有條件搶分而回。


FC多倫多雖然開季主場不敗，不過後防主力歷克加西亞因為上仗領紅要停賽，再者兩隊近3次交手，多倫多只係取得1和2負，睇怕主場不敗金身好有機會喺今場被打破。