撐加納南韓下盤搵到食

港陌

26/06/2010
文： 肥叔

肥叔今屆一早睇淡法國同意大利前景，法國內亂唔和諧，出局係意料中事。意大利老化嚴重，後防主將簡拿華路走晒樣，前晚生死戰對住斯洛伐克，喺落後情況下繼續讓波，大戶分段掃入下盤，睇死佢哋追唔番，結果真係輸波出局，又一隊名牌三戰全輸盤累街坊。

喜見日韓有進步

同日日本擊敗丹麥晉級，佢哋真係踢得好出色，今屆亞洲同大洋洲球隊表現爭氣，日、韓成功突破分組賽，兩隊同樣有料到，另外，澳洲同新西蘭雖然出局，但都一樣打得好，總算贏盡口碑，足見佢哋水平提升唔少。以往亞洲球隊經常都陪跑，今次踢落唔失禮，嚟緊唔好睇小佢哋。


講番今晚賽事，銀行隊加納有料到，對住美國受讓有計！加納今屆雖然缺少艾辛，但係其他球員當打，而且唔多起眼，所以肥叔早就當佢哋係銀行隊。美國硬橋硬馬，但係略嫌粗枝大葉，讓唔起加納，追多鋪下盤。另外，南韓團隊精神好犀利，烏拉圭讓半球多得滯，呢場捧番下盤。