西班牙「立油」讓唔起智利

港陌

25/06/2010
文： 肥叔

前晚英格蘭對住斯洛文尼亞贏得驚險，球隊初盤讓到一球、球半，走地調整至讓一球，最終都係小勝。英格蘭今屆分組賽三戰全部輸盤，成為莊家甜心，唔少人睇死佢哋難捧盃，但依家出線後球員心理壓力大減，話唔定可以走得更遠。

英德戰勁聚飛有望破紀錄

英格蘭於大中華地區極受歡迎，每次出場例必掀起博彩熱潮，今屆十六強硬撼德國，唔使問阿貴，呢場「英德戰」肯定成全球矚目對決，預計整體投注額會好高，大有機會創下今屆單場最高投注額紀錄。現時大部分莊家都開平手盤，肥叔認為呢場波好難預測，最好睇定啲，走地先慢慢玩。


講番今晚推介，西班牙讓得太多，要智利下盤！西班牙係今屆頂頭大熱，個個都知佢哋人腳犀利，但係班波踢落較為「立油」，唔算好對辦。另一邊廂智利本身實力甚強，係南美洲隱藏勁旅，佢哋依家仲未出線，今場鬥志鮮明，現時大幅受讓，絕對有力贏盤，呢隻下盤係全日重心。


同日瑞士對洪都拉斯，今場瑞士亦讓得多，足足要讓一球，照計應該揀番下盤，不過，洪都拉斯真係曳到不得了，肥叔睇死佢哋三場輸晒出局，捧上盤。