當今桌球壇很失色

胜保罗

剛 過 去 的 周 日 ， 敝 報 體 育 組 出 現 了 一 個 異 象 ， 在 晚 上 7 時 至 8 時 半 的 期 間 ， 體 育 組 甚 至 是 其 他 部 組 的 同 事 ， 都 圍 着 本 組 其 中 一 個 電 視 ， 時 而 大 呼 小 叫 ， 時 而 驚 嘆 之 聲 不 絕 。 不 過 ， 他 們 卻 並 非 在 看 曼 聯 迎 戰 熱 刺 的 英 超 聯 直 播 ， 而 是 看 世 界 桌 球 錦 標 賽 、 戴 維 斯 對 希 堅 斯 的 16 強 戰 ； 冇 錯 ， 他 們 全 部 都 被 52 歲 戴 維 斯 的 風 采 所 吸 引 。


磨 吓 chalk 粉 樂 上 半 天
有 一 定 年 紀 的 讀 者 ， 可 能 會 記 得 十 多 廿 年 前 ， 戴 維 斯 曾 為 某 品 牌 名 酒 拍 電 視 廣 告 ； 在 廣 告 中 ， 戴 維 斯 的 金 句 是 ： 「 但 係 6 屆 世 界 冠 軍 始 終 係 我 （ 廣 告 的 中 文 版 更 好 像 是 由 譚 炳 文 配 音 ） 。 」
的 確 ， 當 年 桌 球 在 香 港 風 靡 一 時 ， 而 當 時 的 球 手 又 往 往 形 象 鮮 明 ； 配 以 貼 切 的 外 號 如 「 眼 鏡 蛇 」 泰 萊 、 「 白 旋 風 」 韋 德 ， 仲 有 香 港 的 「 亞 洲 之 虎 」 郭 軍 城 等 ， 令 人 相 當 入 腦 ， 亦 份 外 有 親 切 感 。 當 時 年 紀 小 小 的 我 亦 因 此 而 被 吸 引 ， 經 常 纏 着 一 眾 舅 父 ， 拉 他 們 衫 尾 偷 偷 進 入 波 樓 「 觀 光 」 。
當 然 ， 進 去 之 後 就 與 電 視 所 看 的 比 賽 賽 場 完 全 是 兩 回 事 ， 只 見 煙 霧 瀰 漫 又 粗 口 橫 飛 ； 不 過 ， 始 終 可 以 入 到 波 樓 ， 把 玩 一 下 白 波 ， 將 球 桿 磨 吓 chalk 粉 ， 都 令 我 樂 上 半 天 。


靠 「 火 箭 」 獨 撐
至 於 現 時 的 桌 球 壇 ， 坦 白 說 就 明 顯 失 色 得 多 。 「 桌 球 界 碧 咸 」 亨 打 英 年 早 逝 ， 曾 有 「 金 童 」 之 稱 的 亨 特 利 亦 已 走 下 坡 ； 來 來 去 去 ， 只 有 「 火 箭 」 奧 蘇 利 雲 一 名 球 手 又 有 實 力 又 較 有 話 題 性 。 威 廉 斯 、 希 堅 斯 ， 甚 至 是 丁 俊 暉 等 ， 都 太 正 經 八 百 ， 縱 有 好 球 技 ， 亦 難 叫 人 留 下 深 刻 印 象 。