維拉利爾上盤摘星

猪拉多纳

經驗豐富有保證

歐霸L組出線形勢混亂，榜首奧斯曼利斯普僅領先另外3隊1分。焦點肯定係兩支同分球隊交鋒，維拉利爾主場對布加勒斯特星隊，由於兩隊只能活一隊，勢必豁出去一博，務求全取3分。以波論波「黃色潛艇」維拉利爾經驗勝一籌，之前6次參加歐霸盃（包括前身足協盃）都可於分組賽突圍，包括上屆打入4強，嚟到關鍵時刻，心理質素佔優，讓一球/球半照捧上盤！

（Now 670周五凌晨零時直播）

西甲整體水平高，即使二線球隊參加歐霸盃，亦往往橫行霸道，過去13屆（包括前身足協盃）就有8屆由西甲兵捧盃。維拉利爾向來屬歐洲賽常客，上屆歐霸盃亦打入4強，即使現時出線有危機，但今仗有埋地利，只要踢出水準，贏波甚至大炒機會仍然唔細。

羅馬尼亞球隊布加勒斯特星隊首循環主場都只能逼和維拉利爾1比1，令到佢哋近7次對西班牙球隊，僅錄得1和6負，明顯患有「恐西症」。加上星隊近4場歐洲賽作客只有2和2負，入得1球，根本冇反擊之力，睇怕今仗凶多吉少。
奧斯曼利斯普有本錢吼和

同組土耳其球隊奧斯曼利斯普主場對瑞士蘇黎世，奧軍和波就篤定出線，蘇黎世則非勝不可，奈何佢哋過去2次作客土耳其都輸波而回，捧和波為妙。

（Now Fox Sports Play周五凌晨零時直播）