高球界長腿美女維卓露娃

胜保罗

女 子 網 壇 多 靚 女 就 係 人 都 知 ， 好 似 有 「 金 髮 美 女 」 俄 羅 斯 嘅 舒 拉 寶 娃 、 「 陽 光 美 女 」 塞 爾 維 亞 嘅 伊 娃 諾 域 同 「 丹 麥 甜 心 」 禾 絲 妮 雅 琪 ； 原 來 女 子 高 爾 夫 球 界 都 係 靚 女 集 中 地 ， 最 新 靚 女 代 表 就 係 俄 羅 斯 嘅 「 長 腿 美 女 」 維 卓 露 娃 ！

擁 有 一 雙 大 眼 睛 、 一 頭 棕 色 長 髮 嘅 維 卓 露 娃 ， 細 個 時 係 以 芭 蕾 舞 蹈 員 為 目 標 ， 到 12 歲 時 先 至 轉 玩 高 球 ； 佢 亦 係 史 上 首 位 打 女 子 歐 洲 巡 迴 賽 （ Ladies European Tour ） ， 兼 且 係 首 位 參 加 大 滿 貫 英 國 公 開 賽 （ 08 年 、 British Open ） 嘅 俄 羅 斯 球 手 。
07 年 先 轉 打 職 業 賽 嘅 維 卓 露 娃 ， 亦 因 為 嗰 次 喺 英 國 參 賽 期 間 ， 每 日 好 似 Fashion Show 咁 換 足 幾 套 戰 衣 而 揚 名 ； 尤 其 佢 身 穿 紅 色 短 袖 戰 衣 時 ， 將 佢 完 美 體 態 展 露 無 遺 ， 亦 令 佢 開 始 受 傳 媒 注 目 ， 喺 女 子 高 球 界 嘅 名 氣 與 日 俱 增 ， 仲 被 外 界 封 做 「 高 爾 夫 球 界 舒 拉 寶 娃 」 。


「 享 受 被 注 目 感 覺 」
小 妮 子 年 紀 輕 輕 就 立 志 要 喺 高 球 界 揚 名 立 萬 ， 仲 話 絕 對 唔 介 意 以 性 感 尤 物 形 象 示 人 ； 佢 08 年 仲 幫 男 性 雜 誌 《 Maxim 》 影 咗 輯 性 感 、 高 貴 嘅 相 ， 令 佢 更 加 人 氣 急 升 。 24 歲 嘅 維 卓 露 娃 仲 話 唔 怕 俾 人 話 佢 專 登 博 出 位 ： 「 我 喺 球 場 度 鍾 意 着 好 似 網 球 款 嘅 短 裙 ， 都 係 想 人 留 意 呢 項 運 動 ， 我 非 常 享 受 被 注 目 嘅 感 覺 o架 ！ 」


維 卓 露 娃 小 檔 案
Maria Verchenova
國 籍 ： 俄 羅 斯
出 生 日 期 ： 27/03/1986 （ 24 歲 ）
身 高 ： 1 米 76
轉 打 職 業 年 份 ： 07 年
官 網 ： http://www.maria-verchenova.com