墨爾本城盃賽做慣大騷

猪拉多纳

澳洲足總盃16強今日上演，布里斯班前鋒主場迎戰墨爾本城。澳職勁旅墨爾本城喺上屆澳足盃打入4強，晉級過程之中，經常出現大比數賽果，包括大勝威靈頓鳳凰5比1，贏海德堡聯5比0，球隊鋒力超強，不過防守就唔多穩陣，經常會失大意波，今仗捧3/3.5球大盤。

（有線64及203台周三下午5時30分直播）

墨爾本城喺今屆32強賽事，以2比1擊敗珀斯地區球隊科列雅典娜，可見佢哋防守的確唔掂，對住低組別球隊都唔可以保持清白之身，難怪墨爾本城近4仗澳足盃，有3仗總入球都達到4球或以上。
布里斯班前鋒踢法進取

墨爾本城今仗對手係昆士蘭地區球隊布里斯班前鋒，論質素肯定高過對手，預料今場作客都會繼續主攻，不過布里斯班前鋒都唔係善男信女，佢哋喺32強賽大勝達爾文流浪者6比0，踢法非常進取，要喺墨爾本城身上拎到入波唔係冇可能，中位數[3/3.5球]照捧入球大。