朝早有動靜：蔡約翰摸實來福

魑魅魍魉

　　周三停火，昨朝場面冷清，外籍大師傅悉數倦勤，華將亦只有蘇狄雄、蔡明紹兩位到場操馬。馬房以蔡約翰、告東尼兩個大倉備戰最積極，方嘉柏、葉楚航馬房亦有派馬做工夫。

　　踏入季尾階段，蔡約翰馬房攻勢一浪接一浪，剛戰又憑「盈彩繽紛」、「歡樂繽紛」起孖，目前累積52場頭馬，帶離第二位告仔有八場之多，漸漸將距離拉開，優勢趨明顯。蔡廐今季子彈充足，大可重奪冠軍練馬師寶座。

　　蔡約翰昨朝如常親操多駒，保持其一貫勤奮本色，絕對敬業樂業。其中「來福」由練者親踱親跳，動態十分積極，此駒上仗終於打破悶局，取得在港首場勝利，復課所見練馬師仍然十分重視，連課摸實，從動態觀察，看來一場頭馬未夠喉，同時蔡約翰馬房攻勢料會持續，馬迷要多加留意。

　　至於，剛戰葉楚航馬房「幸運相架」落飛得手，頭馬累積增至25場。昨朝他亦有遣派馬匹出踱，鏡頭較為鮮見，估計馬房將會展開第二輪攻勢，其中，「果然勁」昨晨由助手策騎往內圈踱步，練氣練力增強運動量，此駒上仗已見接近走勢，最近準備工夫較前積極，若短期內上陣不可不防。

韋柏