熱刺國米玩大佢

猪拉多纳

哈利仔迪利亞里歸隊助拳

新球季開鑼逐漸逼近，歐洲各大豪門嘅備戰亦進入高峰，今晚又有場重量級熱身賽，上季英超「3哥」熱刺會喺挪威奧斯陸硬撼意甲勁旅國際米蘭。兩隊近期表現麻麻，雙方都急於爭勝重振士氣，熱刺更有王牌前鋒哈利卡尼回歸，火力強勁，中位數2.5/3球照捧大。

（有線61台及64台周五晚上11時直播）

今夏有中國資金入主嘅國際米蘭，近日終於可安定落嚟，據報會方已經決定留用教練文仙尼，並且堅決表明唔會賣走莫路伊卡迪同比列錫等主力。
「藍黑兵團」後防穿窿

不過「藍黑兵團」近期表現差強人意，近5仗只得1勝1和3負，並狂失11球，其中有4仗總入球達3球或上，上仗國冠盃慘敗拜仁1比4，上半場已失4球，可見以蘭奴捷亞為首的防線，頻繁失球致信心盡失。

熱刺方面都唔好得幾多，佢哋喺近2仗國冠盃輸畀祖雲達斯同馬德里體育會，領隊普捷天奴點都唔想喺英超開鑼前一路輸落去，肯定會決心求勝重上正軌。好彩熱刺今仗有哈利卡尼、迪利亞里等英格蘭國腳回歸助陣，鋒力大大加強，絕對有搶攻本錢，加上熱刺同國際米蘭近4次碰頭，總入球至少有3球，今仗繼續向大盤進發！