勁勇士落重飛搞掂

魑魅魍魉

大摩遠赴澳洲出席復活節周歲馬拍賣會，昨晚未能在場督師，不過無礙馬房攻勢，憑「勁勇士」及「馬風雲」起孖，連勝紀錄延長至四日。
第二場的「勁勇士」，臨場賠率一度是七倍左右，到入閘時突然票如雨下，最後落飛至二點七倍，取代「威威財星」成為大熱，結果飛到馬到順利打開在港勝利之門。購入此駒的大摩兒子喬治，繼剛周日贏「活力至寶」後，其親手引入之馬再度報捷，身在澳洲的他肯定飲得杯落矣。
  
勁勇士近四次出賽全大熱，昨晚終勝回一仗。


暫時集中跑一千米


「勁勇士」馬主勇士團體其中一位成員李本盛，其愛駒「蓬萊仙子」剛於周日報捷，如今再拉頭馬，自然喜上眉梢。他說：「『勁勇士』今場排十二檔，但我們仍抱有信心，事關一千米檔位影響不算大，況且我駒夠快，結果順利奏捷。由於此駒仍稍稚嫩，暫時會集中角逐一千米，至於下仗跑谷草或沙田則有待大摩決定，等牠成熟後才安排進軍千二。」