洪禮賢講馬：團隊精神穩

港陌

　　第六場三班1200米。「威海歡騰」季初及季中階段明顯未在狀態，之但係，隨着多跑令狀態重新起莊，來到季尾時分，陣上演出已紮穩。而按近仗表現嚟講，短途的把握反比1400米為大，呢次嘗試轉到此程（今季初次），揀埋利放的Ｃ+3欄，形勢比田草更着數，一檔更配合得天衣無縫，有望贏番場。

　　第七場三班1200米。「團隊精神」對上3次跑同程兩度上名，一次贏「紅封包」，另一場與「跑得叻」埋Ｑ，陣上處境都係一模一樣，沿途貼欄咬住2、3位，食晒成場賽事形勢；預期今次韋達加一檔，兼且會有正常步速，擺位應該好正，雖然重磅多少唔易贏，三甲料不成問題。