洪禮賢講馬：聖法理夠惡

魑魅魍魉

　　第九場三班1600米。「傳奇快車」上場初跑此程幾乎贏到其實好犀利，除了係轉程問題，佢在大部分途程都係三�送�空處於中間，根本全無形勢可言，而最尾可以同「馬主精英」鬥埋一舊返嚟，那席Ｑ位真係唔講得笑。今仗隔番一排再跑，有望勝回一仗。

　　第十場一班1400米。「聖法理」（ 圖） 前仗1000米入Q，到了上賽跑長二百米，事後睇番都係唔夠喉，當然，此駒上賽早段有點阻滯，令佢置於好後位置，但有本事追到只輸一個身位，反映分數在目前階段唔係冇殺傷力。今場終於唔喺細場玩抽獎，又唔再跑短途，安排隻馬跑中程，練者在手法上肯面對現實，帶出想贏決心，一於追多次。