賠 率 有 路 捉： 綠翔王熱透有計

纯情小彩迷

　　噚日早飛第四場大熱居然唔係新勝馬「五代同堂」、又唔係韋達嘅「威威」，反而落喺「綠翔王」身上，獨贏只得56蚊，14蚊位置。眾所周知薛達志得五W排包尾，隻馬賽績亦嚇怕人，十九戰連P都冇，好肯定買落去唔係普羅馬迷。

　　睇番隻馬一連兩仗喺谷草同田草1200米都追一段勁，而季初就曾經喺同程1400米追入殿軍，成熱門並非無迹可尋，既然噚日早飛有古怪，一於捧場。

　　第二場「覓得寶」早飛亦好離奇，今季五仗隔晚都係冷門，但噚日WP都熱透，39蚊W，11蚊P。睇番隻馬今季經常跑盲門谷草，擺到明未係時候，反而前仗田草同程近過，再加埋呢注咁勁早飛，相信今鋪都係時候郁手，要密切留意。

　　騎師王方面，韋達頭兩場坐騎稍弱，希望第三場時臨場賠率好分啲至入貨。馬會開佢熱到得十幾蚊，要信開盤手眼光。

周仲