齊歡唱勇往直前

纯情小彩迷

是日共設兩場錦標賽，其中較高班次的第九場二班一千米九龍塘會盃，雲集不少直路賽專家，信冠軍騎師韋達眼光的話，當然要優先吼實「齊歡唱」，此駒同程兩戰全勝，得韋達垂青，捧盃歌聲高唱入雲；不過季內同樣由此君贏過的「福勝滿載」、「明燈」及「喜萬家」亦虎視眈眈，要連闖數關並非易事。
韋達：「齊歡唱」上場出閘有少許失誤，早段被迫滯留於後列競跑，直路仍交出一段頗強衝刺，最後只輸個多馬位，表現對辦。雖然距離上賽已有三個月，期間又轉過馬房，但操練完全正常，狀態絕無走樣。埋門我為牠試一課泥閘，馬兒以勁勢跑畢全程，率先衝過終點。今次出爭未輸過的直路賽，唯一擔心是檔位欠佳，幸此駒甚具前速，不難盡快切入，負118磅輕裝上陣，大有機會捧盃而回。
  
齊歡唱直路賽兩戰全勝，路有專長。


福勝滿載易騎益牌仔


方嘉柏：「福勝滿載」今季初出至今取得三捷驕人成績，已交足功課，畢竟牠只得四歲，為了讓馬兒有足夠空間成長，早前安排牠休戰一段長時間。月來馬匹進度理想，各方面能力更趨成熟，埋門快試可見牠勇態已備。綜觀今戰對手實力頗強，因此首次交由蘇狄雄執韁，希望借助其減七磅優勢提高勝算，此駒跑法簡單直接，騎者不難發揮出最佳水準。
  
明燈上仗贏馬見水準


潘頓：縱使韋達今仗沒揀騎「明燈」，但既然此駒近三戰取得兩冠一季，上仗更擊敗「傾力之城」等惡馬，反映此匹蔡�祚R實力絕不簡單，今仗初上二班機會依然樂觀。至於縮程跑田草一千米，此駒大前仗亦曾在同程跑第三，路程適應絕無問題，雖然抽三檔起步不算理想，但難得可以為此匹實力甚強的蔡�祚R�攘Γ�我一定全力拚搏。
  
喜萬家強項靚位�钌�


吳定強：「喜萬家」以往跑田草一千米特別耍家，至今五場頭馬皆於此程奪得，在二班亦證明具爭勝實力。早前刻意讓牠休戰一段時間，以養精蓄銳，埋門試田草一千米閘走勢從容，佳態洋溢。無疑今場強手林立，不乏具潛質勇馬，論牌面我駒或稍為失色，但抽得十四檔好位，沿外欄競跑有助發揮，憑新鮮感有力鬥贏一眾質新對手。