ＡＣ為啖氣狙擊祖記

猪拉多纳

原本以為今季會「變天」嘅意甲，始終都係由祖雲達斯跑出，特別係上輪拿玻里輸波之後，令祖記榜首優勢擴大至6分，聯賽5連冠機會高唱入雲。不過，有時拋離得太多，球員心理上難免會有所鬆懈，未必係好事。祖雲達斯今晚作客老對手AC米蘭，讓波有暗湧，寧願博AC米蘭下盤。

（TVB301周日凌晨2時45分直播）

論近年成績，AC米蘭當然比唔上祖記，但爛船始終有三斤釘，球隊捧唔到盃，反而更渴望擊敗「準盟主」祖記，攞番個尾彩，戰意唔比對手低。再睇埋AC近8次主場取得6勝2和，絕對唔好恰，受讓平半博得過。
車仔新丁肯砌冇包袱

英超褪色豪門車路士，看守領隊希丁克近期試用新人，令隊波充滿朝氣，畢竟呢班新丁冇心理包袱，踢得好放，而且都想把握機會爭上位，肯定落力，今仗作客小讓史雲斯平半，揀車路士上盤。

（now621周六晚10時直播）