瑞典搏命捧7+

猪拉多纳

盡數列支敦士登

瑞典曾經係歐洲一線尾球隊，可惜近年青黃不接，孭飛球星講嚟講去都係得伊巴謙莫域一個，佢哋喺G組以12分排第3，畀奧地利及俄羅斯壓住，好彩瑞典最後兩場分別對魚腩列支敦士登同摩爾多瓦，想出線仲未絕望。瑞典今晚先作客列支敦士登，梗係有咁盡炒咁盡，捧總入球7+！

（周六凌晨2時45分開賽）
伊巴最後餘暉冇保留

講開伊巴謙莫域，呢個頂級天才巨星都已經34歲嘞，睇怕下年歐國盃決賽周係佢最後一次亮相國際大賽嘅機會，梗係想帶領球隊殺入決賽周先啦！其實呢位「戰神」一認真起上嚟，真係冇乜邊隊守到佢，更何況今仗對手只係世界排名156嘅列支敦士登？

瑞典過去3次對列支敦士登都係贏得2、3球，不過今場真係可以大炒特炒，列支敦士登之前兩場主場對榜首雙雄俄羅斯及奧地利，分別吞7蛋及5蛋，以伊巴死唔服輸性格，梗係要贏到盡，一於捧7+啦。