天使首演捧PSG客W

猪拉多纳

法甲今晚戲碼唔錯，蒙彼利埃喺主場對巴黎聖日耳門，唔值得冷敲，因為聖日耳門教練白蘭斯放晒風，除咗會安排伊巴謙莫域復出，仲有迪馬利亞轉會後首次登場，「戰神」加「天使」邊有得擋呀？梗係捧1.36倍客W啦！

（TVB302周六凌晨2:30直播）
蒙彼利埃鋒線唔掂

蒙彼利埃開季連輸兩場冇波入，睇得出佢哋今季真係冇乜前途，畢竟救星巴里奧斯轉投彭美拉斯後，佢哋因為財力所限根本簽唔到有級數前鋒，淨係靠莫尼亞喺前線孤軍作戰，季初可能有排輸，今場對住法甲進攻火力最強嘅PSG，更加靠唔住。

另一方面，PSG計埋法冠盃開季3戰全勝，包括上星期喺主場以2:0解決GFCO阿些斯奧，教練白蘭斯仲話，上場收起有輕傷嘅伊巴謙莫域，係為咗畀佢叉滿電喺今場搏命，加上迪馬利亞預計首次喺法甲登場，如果白蘭斯唔想贏，使乜搞咁多嘢呀？